जिल्ला सदरमुकाममा रहेका कार्यालयबाट प्रदान हुने सेवालाई नागरिकको घरदैलोसम्म पुर्‍याई सहज ढंगबाट एकै थलोबाट धेरै सेवाहरु एकीकृत रुपमा उपलब्ध गराई गाउँघरमै सरकार पुगेको अनुभूति गराउने उद्देश्यले जिल्ला प्रशासन कार्यालयको आयोजना तथा ऐरावती गाउँपालिकाको सहआयोजनामा मिति २०७५ पौष २७ र २८ गते ऐरावती गाउँपालिकाको बरौलामा सञ्चालन भएको  एकीकृत घुम्ती शिविरमा देहायको कार्यालयबाट देहाय बमोजिमका सेवाहरु प्रदान गरिएको छ:

1. जिल्ला प्रशासन कार्यालयबाट ३२९ नयाँ नागरिकता वितरण
2. जिल्ला निर्वाचन कार्यालयबाट ३७८ जनाको मतदाता नामावलीमा नाम दर्ता
3. जिल्ला प्रहरी कार्यालयबाट शान्ति सुरक्षा र अपराध नियन्त्रणसम्बन्धी चेतनामूलक भिडियो मार्फत करिब २०० जनालाई सचेतना प्रदान
4. घरेलु तथा साना उद्योग विकास समिति मुख्य शाखा कार्यालयबाट १० परामर्श सेवा, २ बाणिज्य फर्म दर्ता, २ उद्योग दर्ता
5. गाउँपालिकाको तर्फबाट

• ३३ वटा अपाङ्ग परिचय पत्र वितरण
• २३ वटा जेष्ठ नागरिक परिचयपत्र वितरण
• स्वास्थ्य परीक्षण र स्वास्थ्यसम्बन्धी परामर्श सेवा ५५० जना
• कृषिसम्बन्धी सेवा र बिउविजन वितरण ८०० जना
• पशुसम्बन्धी सेवा र पशुका लागि औषधि वितरण ४६४ जना

गाउँ घरमै सड्क पुगेपछि स्थानियहरु खुसी भएका छन् । जिल्लाको ऐरावती गाउँपालिका–३ कोलवाङमा सड्क पुगेपछि स्थानियहरु नाचेरै खुसीयाली मनाएका छन् । सड्कको शुक्रवार गाउँपालिका अध्यक्ष नबील विक्रम शाह, उपाध्यक्ष बुद्ध बहादुर बस्नेत, वडा अध्यक्ष भुपेन्द्र आले , स्वर्गद्धारी यातायात समितिका महासचिव चन्द्रमान श्रेष्ठ लगाएतको उपस्थितीमा उद्घाटन गरिएको छ ।
सड्क पुगेपछि यस क्षेत्रका खस्रे, गौडे, थाडदमार, ओखारी, साजबास लगाएतका स्थानियलाई यातायातमा सहज भएको वडा अध्यक्ष भुप बहादुर आलेले बताए । उनले भने,–‘ सड्क नपुग्दा यस क्षेत्रका स्थानियलाई हिड्नुपर्ने बाध्यता थियो । ’ मटिखन्नी–साजबास–कोलबाङ– ओखारी सड्क उपभोक्ता समितिका अध्यक्ष सिमा गाहाले स्थानियलाई सड्क नहुँदा जाबुनेबाट पैदल हिड्नुपर्ने बाध्यता भएको बताईन् । पहिले सड्क नहुँदा यो क्षेत्रका स्थानियलाई २ देखि ४ घण्टा हिड्नुपर्ने बाध्यता थियो । उनले खुसि हुदै भनिन,–‘सड्क पुगेपछि स्थानियमा खुसीयाली छाएको छ ।’
निमार्ण भएको सड्कको उद्घाटन गाउँपालिकाका अध्यक्ष नबील विक्रम शाहले गरेका थिए । उनले सड्क उद्घाटन गर्दै गाउँपालिकाले स्थानियको समस्या समाधानका लागि सड्क निमार्ण गरेको बताए । उनले भने,–‘सड्क निमार्ण पश्चात स्थानियलाई सहजता ल्याउने विश्वास गरेको छु । ’ उनले यस सड्कलाई सरुमारानी गाउँपालिकासंग समन्वय गरि दर्भान सम्म जोड्ने बताए ।

त्यस्तै गाउँपालिका उपाध्यक्ष बुद्ध बहादुर बस्नेतले  आफु निर्वाचित भईसकेपछि विकास निमार्णको सवालमा आफ्नो मुख्य ध्यान भनेको गाउँपालिकाको केन्द्र देखि टाढा रहेका  दुर्गम बस्तीहरुमा पुगेको बताए ।  यहाँका सामाजिक सरोकारका विषयबस्तुहरु जस्तै ः शिक्षा, स्वास्थ्य, कृषि जस्ता अति संवेदनशिल क्षेत्रहरुमा आफुले नजिकबाट अध्ययन गरिरहेको बताए । उनले भने,– सोहि अनुसार गाउँपालिकाले  विकास बजेट विनियोजन गरेको छ ।’ यस क्षेत्रका ठुला समस्यालाई समाधान गर्न प्रदेश र संघ सरकारसंग समन्वय गरेर अगाडी वढने उनले बताए । साथै अहिले नेपालको संविधान जनताको अधिकारको लागि विश्वमै उत्कृष्ट संविधानको रुपमा स्थापित भएको छ । उपाध्यक्ष बस्नेतले भने,–‘जनताको जीवनस्तरमा आवश्यक पर्ने सबै विषयबस्तुहरु मौलीक हकको रुपमा स्पष्ट लेखिएको छ ।’  उनले स्थानिय जनसमुदायलाई आफ्नो जीवन यापन बदल्नलाई अगाडी वढनुहोस सरकार तपाईहरुकै साथमा छ भन्दै स्थानियलाई आश्वस्त पार्ने कोसिस गरेका थिए ।

पौने करोड लागतमा सड्क
कोलवाङमा पौने करोडको लागतमा सड्क खनिएको छ ।  गरिबि निवारण कोषको २७ लाख, ऐरावती गाउँपालिकाको २४ लाख र स्थानिय जनश्रमदान ६ लाख २५ हजार रुपियाँ लागतमा सड्क खनिएको वडा सचिव लिलामणी विश्वकर्माले बताए । ६ किलोमिटर सड्क खनिएको उनले बताए । उनले भने,–‘सड्क निमार्णले एक सय ५० घरधुरीका जनता  लाभान्वित भएका  छन् । ’

जनप्रतिनिधिलाई स्थानियले  सोरठी नाँचले गरे स्वागत :
यस क्षेत्रका स्थानियले कोलवाङ सम्म सड्क पुगेपछि जनप्रतिनिधिलाई सोरठी नाँचले स्वागत गरेका छन् । उनिहरुले खुसीयालीमा जनप्रतिनिधिलाई अबिर, माला लगाईदिएर स्वागत गरेका थिए । जनप्रतिनिधि गाँउमा आउँदा खुसि लाग्यो । स्थानिय धन बहादुर थापाले भने,–‘ सड्क निमार्णपछि गाडी आउने भएपछि खुसी छौँ ।’

नियमित जिप चल्ने :
सड्क निमार्ण सम्पन्न भएसंग यस क्षेत्रमा नियमित जिप चल्ने भएको छ । सड्क उद्घाटन गर्न जिप लगेर कोलवाङमा पुगेका स्वर्गद्धारी यातायात व्यवसायी समितिका महासचिव चन्द्रमान श्रेष्ठले कोलवाङ–विजुवार नियमित १ जिप चलाउने प्रतिवद्धता व्यक्त गरे ।

अन्य क्षेत्रमा पनि सड्क लगिदिन स्थानियको माग :
कोलवाङ संगै वडा नंम्बर ३ का खस्रे, गौडे, थाडदमार, ओखारी, साजबास लगाएत क्षेत्रका स्थानियले आफ्नो गाउँमा पनि सड्क पु¥याईदिन आग्रह गरेका छन् । स्थानिय धन बहादुर थापाले भने,–‘कोलवाङ सम्म सड्क भएर पुग्दैन अझै यी दुर्गम बस्तीमा सड्क पु¥याउन पहल होस।’
गाउँपालिका अध्यक्ष नबील विक्रम शाहले जनताको समस्या समाधान गर्न गाउँपालिकाको सहयोग सधै रहने बताए ।